Ritepengan warsa anyar 2011, ring rahina saniscara 29 Januari kawentenang paruman desa pah pat (4) sane kalaksanayang ring Kantor LPD ring Jalan Pulau Belitung lantai 3. Paruman puniki kasarengin olih pemangku kahyangan tiga, bapak lurah, ketua LPM (merangkap dados klian banjar pitik), para klian banjar sajebag desa pedungan lan para prajuru desa Pakraman Desa Pedungan.
Unteng bawos ring parum pah 4 puniki, inggih punika: Laporan kawentenan jinah desa sane memargi selami kalih sasih (november lan desember 2010), sasih oktober 2010 sampun kalaporang ring parum pah tiga lintang; Laporan awal pemargi jinah ring karya agung Pangusabha Desa sane sampun memargi (nanging karyane durung mewasta puput, santukan ring 11 Februari 2011 kantun wenten karya sane kabawos nugtug bulan pitungdina karya); Rencana kerja sane jaga rawuh; Lan pariindikan desa pedungan jaga siaga ngemargiang Pembinaan utawi lomba Desa tingkat Kota Denpasar.
Langganan:
Posting Komentar (Atom)
Tidak ada komentar:
Posting Komentar